შაბათი, 04.05.2024, 17:44
გვარი რამაზაშვილის წარმოშობა კვლევის პროცესშია გვარის წარმოშობის ერთ-ერთი ვერსია არის ასეთი: გვარი მოდის კახეთის მეფის ავ-გიორგის ძმის დემეტრესგან, რომლის მემკვიდრესაც რამაზი ერქვა (ამ შტოს რამაზაშვილთაგან თუ ვინმემ მოაღწია დღემდე უცნობია), არის სხვა ვერსიებიც მაგ.: რომ დროთა განმავლობაში გვარი რამაზაშვილი მიიღო სხვა გვარის წარმომადგენლებმა, ეს ვერსია იხრება იქითკენ, რომ ყველა რამაზაშვილს წარმოშობის ერთი ფუძე არ გააჩნია, არის ამ თეორიის მომხრე სხვა ვერსიებიც.
მიუხედავად აზრთა სხვადასხვაობისა, ჩვენთვის, ღვთის სადიდებლად რამაზაშვილების გაერთიანების მსურველთათვის ჩვენი გვარის - რ ა მ ა ზ ა შ ვ ი ლ ი ს ტარება მეტად საპატიოა და მიუხედავათ იმისა, ვართ თუ არა ერთი ფუძიდან წარმოშობილნი, ჩვენ ვერთიანდებით, რათა ჩვენი ერთობით ვაკეთოთ სიკეთე, მართლმადიდებლურ ქრისტიანული ანუ ქართული საქმე. დიდება უფალს! ღმერთი იყოს ჩვენი მფარველი, ამინ!
აქ გამოქვეყნდება ჩვენ მიერ მოპოვებული იმ დოკუმენტური თუ მხატვრული ლიტერატურიდან ამონარიდები, სადაც გვარი რამაზის შვილი-რამაზაშვილ-რამაზიშვილი არის ნახსენები ------------------------------------------------------------------------------------------ სატიველ ბაგრატიონთა ისტორიათავდაპირველად სატივე,როგორც ჩანს,ამირეჯიბების კუთვნილი მამულია,რომელიც შემდგომ დავითიშვილების ხელში გადავიდა.ერთ-ერთ დოკუმენტში ნათქვამია: ,,..…სოფელი სატივე,ამირეჯიბებისგან ნანსისხლი’’.
------------------------------------------------------------------------------------------------ "ბაგრატიონ-დავითიშვილების წარმოშობის ისტორია ასეთია: ალექსანდრე I კახთა მეფეს (1476-1511) ორი ძე ჰყავდა - გიორგი და დემეტრე. გიორგის მეფობა სურდა, ამიტომ მან მამა მოკლა, ძმას კი თვალები დათხარა. ამის გამო მას ავ-გიორგის უწოდებენ. რაც შეეხება დემეტრეს, იგი ქართლში გადავიდა და სათავე დაუდო ახალ სათავადო სახლს - დავითიშვილებისას. რამაზიშვილები დავითიშვილების განაყოფია: დავითიშვილებს შორის მომხდარი კონფლიქტის შედეგად ერთ-ერთი ძმის - რამაზის - ჩამომავლებს რამაზიშვილები ეწოდათ. XVIII საუკუნის ბოლოს მათ დავითიშვილის გვარი დაიბრუნეს. მათი შთამომავლები დღესაც საქართველოში ცხოვრობენ. გოჩაშვილების განშტოების ფუძემდებელი კი ქართლის სამეფოს ცნობილი პოლიტიკური ფიგურა, სიმონ I (1556-1600) ერთგული თანამებრძოლი და მეწინავის (საბარათაშვილოს) სარდალი გოჩა ბატონიშვილი იყო. XVIII საუკუნის ბოლოსა და XIX საუკუნის დასაწყიში ფეოდალურ გვართა ერთმა ნაწილმა თავისი ძველი, ძირითადი გვარი დაიბრუნა. ასე მოხდა მუხრანბატონებისა და დავითიშვილების შემთხვევაში. ბაგრატიონთა დინასტიის მეფობა საქართველოში შეწყდა XIX საუკუნის დასაწყიში, როცა რუსეთმა საქართველოსთან დადებული ხელშეკრულება დაარღვია, საქართველოში მეფობა გააუქმა, ხოლო უკანასკნელი ქართველი მეფე სახლეულითურთ რუსეთში გადაასახლა."
http://children.dsl.ge/istoria/bagrationebi.htm გამოყენებული ლიტერატურა: -------------------------------------------------------------------------------------------------- დავითიშვილი – თვალდამწვრიშვილი – ბაგრატიონი დავითიშვილი, ისევე, როგორც თვალდამწვრიშვილი, არის სამეფო გვარი – ბაგრატიონი. თავის წიგნში, იოანე ბაგრატიონი აღწერს საქართველოს თავადაზნაურთა გვარებს და წერს: „თავადი დავითისშვილნი, არიან გვარით ბაგრატიონნი, რომელნიც აწ მოსახლეობენ ქრცხინვალის, კერძოდ, ნულის ხეობაში (შინდისში, კარბში, ფცაში, აბანოში). არიან ორ სახლად: ზაალისშვილებად და ელიზბარისშვილებად, ხოლო სხვანი, მდაბალნი ამათისა გვარისანივე, არიან ფცის მოსახლენი: შანშეშვილები და სხვანი კვლავ ლეონისშვილებად.” „ბაგრატიონნი – გაიყარა რა ქართლის (კახეთის); ავგიორგის ძმის, ალექსანდრეს ძეს, დემეტრეს ჰყავდა ორი შვილი: დავითი და რამაზი. აქედან გაჩნდა გვარები: დავითიშვილი და რამაზიშვილი“. ასე რომ, დღევანდელი დავითიშვილები და რამაზიშვილები არიან ბაგრატიონები. შემდეგ დაიწყო სომხეთისა და რუსეთის მიერ ერთობლივად ქართული გვარების შეკვეცა. ბაგრატიონ-დავითიშვილი 1886 წლის აღწერიდან დავითიშვილებს წერდნენ დავიდოვად ან დავითოვად და ასე შემდეგ. "როგორ წარმოიშვა ქართული გვარ-სახელები" ინტერნეტ ჟურნალი "თბილისელები" --------------------------------------------------------------------- ვახუშტი ბატონიშვილი რამაზაშვილი - ფეოდალური საგვარეულო ქართლში. "ვახუშტი ბატონიშვილი რამაზაშვილებს თავადთა შორის მოიხსენიებს." "აწინდელთა მთავართა გვართათვის". იგი წერს: "ჩხეიძე მოვიდა იმერეთიდან, ხოლო რამაზისშვილი და დავითასშვილი არიან ავგიორგის ძმის დიმიტრისაგან, რომელი არჩინა მეფემან და არიან მიერთაგან აქა." ------------------------------------------------------------------------------------------ იყო ვინმე ტურა რამაზაშვილი კახელთა და ლეკთა შორის სიმამაცითა და თავზეხელაღებულობით სახელგანთქმული, ლეკებს შავი დღე ადგათ რამაზაშვილისა და მისი ქართული გუნდის შურისმგებლური თავდასხმებისაგან, ერთხელაც მობრუნდა ტურა ლეკთა მორიგი დევნიდან, მრავლად ლეკი ტყვეებიც მოიყვანა და ქონებაც ბლომად ჩამოიტანა თავისი ფეხმძიმე ცოლის გულგასახარად, თურმე მანდატურთუხუცესი პაატა ჩოლოყაშვილი მტრობდა რამაზაშვილს და მაშინვე ბრძანებაც გაუგზავნა ახლავე ყველაფერი ტყვეებიც და ქონებაც ჩემს ჩაფრებს გამოატანეო, ცოტა ხანს მაცალეთ, მშობიარე ცოლს ნუ მომიკლავთ და მერე ყველაფერს აგისრულებთო შეეხვეწა რამაზაშვილი, ჩოლოყაშვილმა კი რამაზაშვილის ვედრება აინუშიც არ ჩააგდო და რაც ბრძანა კიდევაც აისრულა, ქვეშევრდომის ნაალაფარი დაისაკუთრა.
----------------------------------------------------------------------- რამაზიშვილი - 1715 წლის რუისის სამწყსოს დათრით ლევან, გიორგი და ზურაბ რამაზიშვილები ფცაში მოსახლეობდნენ. სამივე კომლს მიწერილი აქვს "თავადი". ----------------------------------------------------------------------- აზნაური რამაზიშვილი 1756 წლის ზემო ქართლის მორიგე ლაშქრის ნუსხაშია მოხსენიებული (ქსძ 1965, 405). 1715 წელს გიორგი რამაზიშვილს ელიზბარ დავითიშვილთან სამამულე დავა ჰქონია (ქსძ 1972, 260-263) 1750 წელს განჩინებაში რიკაძეების საქმეზე ვხედავთ ბეჟია და ვახტანგ რამაზიშვილებს (ქსძ 1972, 385). --------------------------------------------------------------------- |
საიტის მენიუძებნაკალენდარი
ჩანაწერების არქივიჩვენი გამოკითხვასაიტის მეგობრებისტატისტიკასულ ონლაინში: 1 სტუმარი: 1 მომხმარებელი: 0 |